Continuamos coas entradas sobre os temas orixinais de onde tomamos o repertorio deste primeiro disco de TOR.

Neste caso, co corte 8 do CD, «Ilustración». Trátase dun poupurrí con tres muiñeiras de distinta procedencia. Son pezas que levan moitos anos na nosa cachimonia, e cando vas buscar as partituras orixinais, dáste conta de que co paso do tempo mudamos inconscientemente diversos fraseos.

A primeira é unha muiñeira que apareceu no nº 3 (28-I-1880) do Tomo II da Revista Decenal Ilustrada «La Ilustración Gallega y Asturiana», editada en Madrid. Ven harmonizada e sen indicación de procedencia ou autor. Nós só adoptamos a melodía.

Seguímola coa nosa particular versión da Ribeirana de Villanueva das partituras do Coro Aires da Terra de Perfecto Feijóo, e publicada como CF13 no libro «Aires da Terra. Poesía musical de Galicia» Ed. José Luis Calle, 1990. Copiamos a entrada que fai o autor:

A derradeira muiñeira do set é a chamada «Muiñeira picada» do repertorio de Emilio Fernández da Fonsagrada, e aprendémola de oído dalgunha interpretación de Susana Seivane cara 1995. Se atopamos algunha interpretación orixinal por Emilio Fernández en Youtube, enlazarémola aquí.

No seguinte enlace tedes bós recursos musicais e a biografía de Emilio Fernández: Aquí


Deja una respuesta

Tu dirección de correo electrónico no será publicada. Los campos obligatorios están marcados con *

Traducir/Translate »