O repertorio de TOR

Compónse de popurrís ou sets de temas instrumentais tomados da tradición galega, con especial atención aos gaiteiros e músicos do interior.

As melodías

Principalmente proveñen da propia labor de recolleita dos seus membros, buscando temas orixinais de frauta de madeira e acordeón diatónico, así como de estilos de toque de gaita de comarcas pouco coñecidas como A Limia, Frieiras, e Navia entre outras.

Os arranxos

A harmonía a proporcionan o bouzouqui e o contrabaixo, conformando un son acústico, reelaborado dun xeito concordante cos traballos que se fan hoxendía no folk atlántico europeo.

O resultado

Sets de muiñeiras, xotas, alboradas, pasacorredoiras e piruxaldas, sucédense con outros temas máis pausados como alalás, cantos de reis, valses ou mazurcas, tan propias do sur ourensán.

Quen somos? About us

Despois de case quince anos compartindo experiencias musicais, por fin xuntos nun proxecto:

Félix Castro

angloconcertina, acordeón diatónico, gaita

Licenciados en Dereito pola Universidade de Salamanca, avogados, músicos e investigadores en música tradicional e etnografía galega. Félix Castro é ademais licenciado en Antropoloxía pola UNED.
Fundadores xunto con Igor Medio e Ruma Barbero do grupo de folk asturiano Felpeyu en 1991.

Membros da Aula de Música Tradicional Gomes Mouro de Ourense, do quinteto tradicional Os Lubicáns, e de Sólidos Galicianos, colaboradores habituais nos proxectos musicais de Pancho Alvarez. Investigan a frauta de madeira e o acordeón diatónico en Galicia así como o toque pechado na gaita, xeito antigo de tocar, e a recuperación da memoria e repertorio dos gaiteiros e músicos ourensáns, principalmente Faustino Santalices. Teñen colaborado nunha vintena de discos e recopilatorios nacionais e internacionais.

Son colaboradores do proxecto Ronsel de recuperación do patrimonio inmaterial galego e do programa europeo Oralities, e asesores musicais do programa Alalá da TVG.

Cástor Castro

Frautas de madeira

Entre as súas publicacións máis destacables atópanse O Catálogo de música tradicional da Limia, o libro-cd Sons da Limia, a exposición e cátalogo Faustino Santalices. Tradición musical galega e o congreso e actividades posteriores.

Noutros ámbitos, as súas investigacións etnográficas están centradas actualmente na figura de Manuel Blanco Romasanta, o Home lobo de Esgos, no que realizaron importantes descubrimentos.
Félix está ademais especializado no Libro de San Cipriano, os libros do demo, o desencanto de tesouros, e a bibliografía ocultista do s.XIX e XX, sobre que leva publicado numerosos artigos revistas de etnografía e bibliofilia españolas e internacionais. Organizou a exposición “Os Libros do Demo” no museo da Deputación de Lugo, e mesmo é reclamado de todo o orbe para desencantar tesouros e asesoramento máxico. Neste eido os plaxios que lle fan superan con creces a súa produción.

Xosé Liz

buzuqui

Músico de reconocido prestixio nacional e internacional no ámbito do folk galego e da Celtic Music. Máis de trinta producións discográficas cos mellores artistas galegos (Cristina Pato, Susana Seivane, Rodrigo Romaní, Anxo Pintos, Anxo Lorenzo, Begoña Riobo…) e a súa habitual presencia nos mellores escenarios destas músicas (Festival Intercéltico de L’orient, Celtic Connections, Piping Live, Vall D’aOsta, Scottish Weekend…) avalan a traxectoria deste multiinstrumentista vigués.

Compaxina a súa tarefa de músico profesional, produtor, arranxista e compositor; coa súa laboura de profesor titular de frauta e corda pulsada na prestixiosa escola de música folk e tradicional E-Trad de Vigo dende o 2009.

Recentemente ten publicado o seu primeiro disco en solitario “El Cantar de los flautares” como multi-instrumentista.

Álvaro Iglesias

Contrabaixo

Formado na música clásica, desenvolve a súa carreira na música tradicional galega.
Entre os seus mestres figuran o mestre lituano Iminas Kucinskas, Cris Gándara, Camilo Freire ou Carlos Méndez (mestre na Escola de Altos Estudios Musicais de Galicia e membro da Real Filarmonía de Galicia).
Formou parte de bandas coma Tres, Carlos Núñez, Pancho Alvarez, Faltriqueira, ou o gaiteiro Anxo Lorenzo, participando con todos eles ao longo de xa máis de vinte anos de carreira en numerosos festivais do máis alto nivel internacional, coma o Cambrigde Folk Festival, Rock in Rio, Womad, Festival do Mundo Celta de Ortigueira, Celtic Connections, Festival Intercéltico de Lorient, William Kennedy Piping Festival, Celtica, Gooikoorts, etc.
Entre os seus traballos máis destacados, figuran gravacións, composicións ou colaboracións en máis dunha veintena de discos e documentais para TVG ou Discovery Channel.

Actualmente, compaxina formar parte e colaborar con bandas coma Arán, Entre trastes, Ardentía, Son de Seu, ou Rodrigo Romaní, entre outros, con ser produtor, compositor, arranxista e freelance en gravacións de estudo ou colaboracións en directo con distintos artistas e bandas do panorama musical nacional e internacional.

Ven de publicar “alma” (Zouma Records 2018), o seu primeiro traballo discográfico en solitario, e tamén o primeiro disco na historia da música celta no que o instrumento solista é un contrabaixo, executando, xunto con guitarra acústica ou bouzouki, melodías e composicións propias baseadas sempre na música tradicional galega.

Blog

Ortigueira!

Fermosa experiencia a que vivimos presentando TOR no Teatro de Beneficencia de Ortigueira o pasado sábado 11 de Marzo de 2023. Moitas gracias polo voso cariño e acollemento, gracias a todas as amigas/os que vos Leer más…

TOR en Ábrete de Orellas, de Pepe Cunha

https://www.ivoox.com/abrete-orellas-cdlxxiii-7-marzo-2023-audios-mp3_rf_104160262_1.html O amigo Pepe Cunha ven de incluir a TOR (minuto 33 en adiante) anunciando o noso concerto en Ortigueira no seu CDLXXIII programa Abrete de Orellas, moitas gracias por darnos visibilidade! 7-marzo-2023 1 Fuxan Leer más…

TOR en Ortigueira 11 de Marzo 19:30 h

As entradas pódense coller en taquilla ao prezo de 3 €. Estamos encantadísimos de que contasen con nós para a presentación, estrenaremos temas novos, e esperamos repetir no verán 🙂

Valses en Niñodaguia, novo vídeo

Vídeo do tema Valses completo que fixemos na festa da Fornada de Niñodaguia 2021. Gravado e dirixido por Senén Bernández para o programa «Inimitables» e emitido pola TVG en Nadal de 2022 (a tarde do 24 Leer más…

Contacto / Contact

Enderezo Postal / Post address

TOR 

R/ Santo Domingo 37, Entrechan C

C.P. 32003 Ourense-Galiza (España)

Chámanos ou escríbenos

Cástor Castro  +34 629875063 

Félix Castro +34 620230846

tor.celtrad@gmail.com

Escríbenos / Email us

Traducir/Translate »