NOVO HORARIO! TOR+Pancho Álvarez e Soco Rúa no Liceo de Ourense, venres 15/I/2021 20 h

ATENCIÓN: Por mor dos cambios do toque de queda (adiantado para as 22 h) cambiamos a hora do concerto para as 20 h

Ademais contaremos coa participación dos invitados Pancho Álvarez (violín) e Soco Rúa (pandeireta)


Comprácenos anunciar que o vindeiro venres actuamos no Salón Nobre do Liceo de Ourense.

Lembrade que podedes facer reservas nos teléfonos 988222584, 988220650 ou por email a liceodeourense@hotmail.es

Tor en Xunqueira de Ambía 15 de agosto

O próximo sábado 15 de agosto actuaremos en Xunqueira de Ambía (Ourense) a partir das 21 h, actividade programada dentro da rede de Auditorios da Deputación de Ourense.

E de mañá xa estaremos tamén cos Lubicáns de alborada ambientando a festividade.

Os discos por fin chegarán de fábrica o luns día 10 así que será unha boa oportunidade para asistir ao concerto de presentación do disco e poder desfrutar do disco recén saído do forno !

Queremos felicitar ao concello de Xunqueira de Ambía polo seu interese no noso proxecto, e por seguir programando actividades culturais nestes tempos tan complicados. Que a cultura non pare!

Ínsua dos Poetas

Foi un concerto precioso o que tivemos o pasado 19/7 na Festa da Palabra 2020, Ínsua dos Poetas, Carballiño, acompañados dos nosos queridos amigos/as Angel Ruiz (banjo) Pancho Álvarez (violín), Patricia López (pandeiro e voz), Lucía Cedrón e David Leadbeater (baile), Soco Rúa (pandeireta) e Marcos Saburido (percusión).

Mark Ritchie o noso fotógrafo oficial fixo estas fermosas fotografías do evento. www.markritchiefotografo.com

Tamén cubriu o concerto Badal Novas, e podédelo ver na súa páxina web ou no seu canal de Youtube

Tor na Arca da Noe

Acceso á galería

O 5 de xullo comezamos a xira de verán de TOR na Arca da Noe de Vilar de Santos, nun enclave agarimoso e ben amparados de amigos/as e familia! Todo elo dentro da programación da Rede de Músicas ao Vivo do AGADIC.

Un inmenso pracer, que podemos compartir con vós nesta preciosa escolma de fotografías de Mark Ritchie, o noso fótografo oficial.

Non deixedes de visitar a súa páxina www.markritchiefotografo.com

(Pregámosvos que se alguén precisase alguna fotografía para uso comercial, nolo solicite e vos poñemos en contacto con Mark Ritchie )

Podedes ver tamén a gravación do directo que se emitiu nestoutro enlace

Primeiras datas 2020

Nesta semana pechamos as primeiras datas de 2020 serán no Barco de Valdeorras pola Rede de Auditorios da Deputación de Ourense o 24 de Abril, e na Arca da Noe pola Rede Galega de Músicas ao Vivo o 5 de xuño, iremos avisando de novos concertos

Traducir/Translate »